BIGtheme.net http://bigtheme.net/ecommerce/opencart OpenCart Templates

Nazir müavini: “Bakı marafonu Azərbaycanın gələcəyinə xidmət edən möhtəşəm layihədir”


  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

“Bu cür yüksək səviyyədə marafon təşkil etdiyi üçün Heydər Əliyev Fonduna təşəkkür edirəm. Azərbaycan dövlətinin gələcəyinə xidmət edən möhtəşəm layihədir”.

İstixeber.info xəbər verir ki, bunu report-a Ekologiya və təbii sərvətlər nazirinin müavini Firdovsi Əliyev iştirakçısı olduğu “Bakı Marafonu-2019” haqda danışarkən deyib.

REKLAM

O, qeyd edib ki, hər bir dövlətin gələcəyi onun sağlam nəsilə sahib olmasındadır: “Məsələyə bu kontekstdə yanaşanda tədbirin nə dərəcə önəmli olduğunu görərik. Unutmayaq ki, biz müharibə şəraitində yaşayan ölkəyik. Düşmənlə mübarizədə də sağlam nəsilə ehtiyacımız var. Qürur hissi ilə deyə bilərəm ki, artıq Bakıda 4-cü dəfə təşkil olunan yarımarafonun hamısında iştirak etmişəm. Hamısında da finişə çatmışam. Bakı marafonu dünya marafonları arasında öz layiqli yerini tutmaqdadır. Arzu edirəm ki, gələcəkdə bu marafon 21 km məsafəni deyil, 42 km əhatə etsin, tam marafon olsun”.

“Küləyə qalib gəl” şüarı altında artıq dördüncü ildir təşkil olunan yarımarafon Dövlət Bayrağı Meydanından başlayıb, Bakı Olimpiya Stadionuna qədər 21 kilometr məsafəni əhatə edəcək.

Layihə idmanın inkişafına dəstək göstərmək, sağlam həyat tərzini təbliğ etmək, və insanları xeyirxah amallar ətrafında bir araya gətirmək məqsədilə həyata keçirilir.

Hər il daha çox iştirakçı sayı ilə diqqət çəkən marafonda bu dəfə 22320 şəxs qeydiyyatdan keçib.

Yeri gəlmişkən qeyd edək ki, bu gün F.Əliyevin 58 yaşı tamam olur.

İstixeber.info

loading...