BIGtheme.net http://bigtheme.net/ecommerce/opencart OpenCart Templates

Təhsil naziri olimpiadada qalib olan ən gənc məktəbli ilə görüşdü


  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Təhsil naziri Ceyhun Bayramov 8-ci Avropa Qızlar Riyaziyyat Olimpiadasının tarixində ən gənc qalib olan, Bakı şəhəri 257 nömrəli tam orta məktəbin VII sinif şagirdi Fidan Qarayeva ilə görüşüb.

“İstixeber.info” xəbər verir ki, nazir 13 yaşlı qalibi qazandığı uğur münasibəti ilə təbrik edib.

C. Bayramov qeyd edib ki, Bakı məktəblisinin öz adını Avropa Qızlar Riyaziyyat Olimpiadasının tarixinə ən gənc qalib kimi yazması ölkəmiz üçün qürurvericidir. Bu münasibətlə olimpiada qalibini bir daha təbrik edən Təhsil naziri onun dərsləri, eləcə də olimpiada hazırlığı ilə maraqlanıb.

Fidan Qarayeva Təhsil nazirinə təşəkkürünü bildirib və gələcək arzularından danışıb. O qeyd edib ki, gələcəkdə də beynəlxalq bilik yarışmalarında ölkəmizi layiqincə təmsil etməyə çalışacaq.

Görüşdə olimpiada qalibinə hədiyyələr təqdim edilib, həmçinin xatirə fotosu çəkilib.

“İstixeber.info”

loading...