BIGtheme.net http://bigtheme.net/ecommerce/opencart OpenCart Templates

AZƏRBAYCANDA uşaqlarına Təkər, Arenda, Cahardəst, Lada adlarını qoymaq istəyənlər var – Müraciətlər


  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Nazirlər Kabineti yanında Terminologiya Komissiyasına yenidoğulan uşaqlara Təkər, Arenda, Mirasoel, Rozef, Cahardəst adlarının, eləcə də qız uşaqlarına oğlan adlarının qoyulması üçün müraciətlər edilib.

İstixeber.info xəbər verir ki, bunu Trend-ə Nazirlər Kabineti yanında Terminologiya Komissiyasının sədr müavini Sayalı Sadıqova deyib.

Sədr müavininin sözlərinə görə, bununla yanaşı, uşaqlarına Jozefina, Rac (hind adı), Makvin (maşınlarla bağlı cizgi filmin qəhrəmanı olan maşının adı), Lada (maşın markası) adı, o cümlədən Əhsən adı əvəzinə Ahsən, Əzizə əvəzinə Aziza qoymaq istəyənlər olub.

S.Sadıqova qız uşaqlarına Ramin, Amir kimi oğlan adlarını qoymaq istəyən valideynlərin olduğunu və bununla bağlı müraciətlərin edildiyini də açıqlayıb.

Komissiyanın sədr müavininin sözlərinə görə, Aytac adlı qız adının dəyişdirilərək Rinda qoyulması üçün müraciət edib.

S.Sadıqova əlavə edib ki, Ədliyyə Nazirliyinin rayon (şəhər) qeydiyyat şöbələri adların qoyulması və dəyişdirilməsi üçün edilən bütün bu müraciətlərə mənfi cavab verib. Bununla bağlı qarşı tərəflərin məhkəməyə daxil olan müraciətləri araşdırılmaq üçün Terminologiya Komissiyasına göndərilib. Bu müraciətlər Terminologiya Komissiyası tərəfindən də mənfi cavablandırılıb.

Sədr müavini qeyd edib ki, bu ilin əvvəlindən komissiyaya 50-ə yaxın müraciət edilib. Müraciətlər arasında adların düzgün yazılış formasının müəyyənləşdirilməsi ilə bağlı olanlara da rast gəlinib.

İstixeber.info

loading...
Bağla
SİZİN REKLAM
TƏSİSÇİ: ƏLƏKBƏROV SƏNAN MƏMMƏD OĞLU. BAŞ REDAKTOR: RƏŞAD ORUC OĞLU AĞAŞİRİNOV - Saytın bütün hüquqlar qorunur. Saytdakı materiallardan istifadə zamanı istinad zəruridir. ƏLAQƏ: +99455 233-73-39 +99470 2337339 EMAİL: istixeber.info@mail.ru ÜNVAN: YEVLAX ŞƏHƏRİ NİZAMİ PROSPEKTİ 26